Niabot Ka Sa Panahon Nga AKo Wala Nagpa-abot

Niabot Ka sa Panahon nga AKo Wala Nagpa-abot

-Balak ni Frances Carmille Alpuerto-

Kinsa man ang nagdahum

Nga ikaw akong ika-kita

Nga ikaw akong mahigala

Nga ikaw akong mahigugma

Tinuod ba gayud diay ang ilang gina-ingon

Nga ang kalibutan pirte rang gamaya?

Buot ko nga ikaw masayod,

Dako ako ug pasalamat sa Labaw sa Tanan

Nga sa kadaghang tawo niining kalibutan,

Ikaw ug ako nagkahimamat,

Ikaw ug ako nagkahigugmaay.

Karun, kung ako mag-inusara

Dili ko gayud malikayan

Nga mo-dalikyat ug pahiyom ug

Napamatud-an ko na gayud

Nga ang kalibutan pirte rajung gamaya.

Ang Dalan sa Kahayag

Ang Dalan sa Kahayag

-Balak ni Frances Carmille Alpuerto-

Sa paglakaw nato niining panaw sa kinabuhi,

Daghan tang mga dalan na maagian.

Mga nagka lain-laing tawo aton ika-saksi,

Mga nagka lain-laing panghitabo atong masulayan.

Usahay sa atong paglakaw,

Kita mahidagma.

Usahay sa atong paglahutay,

Kita mawad-an sa paglaum.

Usahay sa atong pagpanginabuhi,

Kita mo dili sa mga pagsulay sa kinabuhi.

Huna-hunaa O, higala ko

Sa atong dagan sa kinabuhi,

Lumalabay ra kitang tanan.

Busa buhata ang tanang maayo

Para ikaw dili magmahay sa uwahi

Ug subay sa kanunay sa dalan sa kahayag,

Ang dalan na magtudlo natu sa kalampusan.